PROFESIONALESProfesionales*INFORMACIÓNpegollu@horreosdeasturias.es

Buscar

Consultes y duldes

ENTRUGUES FRECUENTES

Estes son dalgunes de les consultes y duldes que nos faen davezu.
Si tien dalguna otra consulta póngase en contactu con nosotros.

ENTRUGUES FRECUENTES

  • ¿QUIÉN VA PODER SOLICITAR PIECES AL ALMACÉN D’HORROS?
  • ¿CÓMO SOLICITAR L’ALTA?
  • ¿CÓMO TIENEN QUE SOLICITASE LES PIECES?
  • XUSTIFICACIÓN
  • COSTU
¿QUIÉN VA PODER SOLICITAR PIECES AL ALMACÉN D’HORROS?
Los profesionales que se dediquen a la restauración o igua d’horros, paneres y cabazos que tean daos/es d’alta nel almacén d’horros. L’alta nel almacén ha realizase pente medies de declaración responsable del profesional, conseñada baxo la so responsabilidá en documentu modelu diseñáu a esti efectu. Nel casu de nun reunir los requisitos materiales necesarios, l’expediente remitiráse a la Dirección Xeneral de Cultura y Patrimoniu del Principáu d’Asturies, pa resolución definitiva.
¿CÓMO SOLICITAR L’ALTA?

L’ALMACÉN D’HORROS va ceder les pieces a profesionales de la rehabilitación y conservación d’horros y paneres d’Asturies que tendrán de dase d’alta nel mesmu pente medies de declaración responsable d’alcuerdu col modelu ANEXU 2.

¿CÓMO TIENEN QUE SOLICITASE LES PIECES?
Les pieces tienen que solicitase a la Fundación Centro Tecnológico y Forestal de la Madera (CETEMAS) pa intervenciones de conservación o rehabilitación concretes, responsabilizándose del so usu correctu, pente medies de declaración responsable na que se van identificar les pieces cedíes, les actuaciones nes que se van emplegar, el plazu de realización y l’adecuación a la intervención que tien que s’axustar a la llegalidá. La solicitú que tien que ser individualizada pa cada intervención pente medies del modelu correspondiente.
XUSTIFICACIÓN

Al acabar l’actuación, les pieces que sobren tienen que se devolver a CETEMAS, asina mesmo, habrá d’indicase les que s’usaron pente medies de declaración responsable realizada nel modelu previstu al efectu.

COSTU
Les pieces van entregase ensin costu nengunu por emplegase na recuperación del patrimoniu etnolóxicu asturianu, ensin perxuiciu de que los artesanos se responsabilicen del usu correctu conforme a lo declarao por ellos.
Información

INSTRUCCIONES DE FUNCIONAMIENTU DEL ALMACEN D’HORROS DEL PRINCIPÁU D’ASTURIES

Consulta les condiciones, procesos y funcionamientu
  • Instrucciones
  • Profesionales
  • Cesión de pieces
Almacén

Funcionamientu del almacén

Una vegada reciba les pieces, CETEMAS va proceder a realizar les tarees de conservación y almacenamientu que sían necesaries asina como a la so documentación, axuntando la mesma a una base de datos específica que permita la xestión posterior.

Alta

Solicitú d’alta pa profesionales

L’ALMACÉN D´HORROS va ceder les pieces a profesionales de la rehabilitación y conservación d’horros y paneres d’Asturies que habrán dase d’alta nel mesmu pente medies d’una declaración responsable d’alcuerdu col modelu que s’axunta.

Anexu 2:  DECLARACIÓN RESPONSABLE D’ALTA PA PROFESIONALES NEL ALMACÉN D’HORROS DEL PRINCIPÁU D’ASTURIES

Cesión

Solicitú d’alta pa la cesión de pieces

L’ALMACÉN D’HORROS namás va ceder les pieces a profesionales de la rehabilitación y conservación d’horros y paneres daos/es d’alta nel mesmu. L’alta ha solicitase pente medies de declaración responsable d’alcuerdu col modelu anexu 3.

En nengún casu se van ceder pieces a particulares, empreses o profesionales que nun tean daos d’alta nel sistema.